Kua whai kirimana a Rangahau Mātauranga o Aotearoa (NZCER), nā Te Tāhuhu o te Mātauranga, kia whakakaupapa i a Te Tīrewa Mātai. He kaupapa hou, he kaupapa Māori i whakawhanake tahitia me te Māori, i runga anō hoki i te pātuitanga o Rangahau Mātauranga o Aotearoa me te Tāhuhu o te Mātauranga. Ko te aronga, he mārama, he whakatairanga me te tautoko i ngā whanaketanga, ngā whakatutukinga me te angitu o ā tātou mokopuna e ako ana mā te reo Māori, me te whirinaki ki te taunakitanga hei kahupapa mō te whakatau take, hei hora hoki i ngā tautoko kua whakahāngaitia.
Ko tēnei kaupapa, Te Tīrewa Mātai, mā ngā kura e 51% nui ake rānei, te ako ki te reo Māori (Taumata ako ki te Reo; Taumata 1, Taumata 2, ngā taumata e rua rānei). Ka tautoko ēnei kohinga i ngā kura, i ngā kaiako, i ngā whānau, i ngā hapū, i ngā iwi me te Tāhuhu o te Mātauranga ki te tautāwhi ake i te ara ako o ā tātou mokopuna.
Whakakīa te puka ki kōnei mēnā e hiahia ana kia whakawhānui i ōu mōhiotanga mō:
- He aha a Te Tīrewa Mātai, ka pēhea te tautoko o taua kaupapa i ngā mokopuna Māori
- Ka pēhea taku kura e uru atu ki Te Tīrewa Mātai
- Ngā ara mahi mō Te Tīrewa Mātai
- Ngā wānanga mō Te Tīrewa Mātai