He aha koe e kōwhiri ai i Rangahau Mātauranga o Aotearoa mō tō aromātainga?
Kei runga rawa atu tōna tautōhito, ki te kōrero a te tini
Ka tae tēnei ki te 90 tau o Rangahau Mātauranga o Aotearoa e whakaputa ana i āna aromātainga me āna rangahau kounga tiketike. He tino tautōhito mātou ki te mahi i roto i ngā kura, i waenga i te tamariki, i te ākonga, me te taiohi, me te mahi i ngā horopaki kanorau, me te tuitui atu ki ngā kaiwhaipānga i runga i ngā tikanga e puta ai he māramatanga pakari, tōtika hoki hei hāpainga i roto i ō mahi.
He pūtahi rangahau kaupapa Māori tōna e mōhiotia nei ko Te Wāhanga
He mātanga aromātai ō Te Wāhanga, e arahina ana e ngā tikanga Māori me ngā mātāpono Māori. Ka hora mātou i ngā aromātainga i roto i ngā horopaki kaupapa Māori, arareo Māori, arareo Ingarihi hoki. E mahia ana ā mātou mahi e te Māori, ki te Māori, mā te Māori, ā, ka hao i te tangata takitahi me ngā rōpū anō hoki. Ka tuia hoki e mātou he tira ki ngā hoa tangata Tiriti, me te whakamahi tikanga e hāngai ana ki ngā ara kaupapa Māori.
Tō mātou komiti matatika motuhake
He komiti matatika motuhake hoki tō Rangahau Mātauranga o Aotearoa, e mahi nui nei kia tiakina te haumaru o te hunga whai wāhi katoa i roto i ngā kaupapa aromātai katoa, ā, e ū tonu ana ki ō mātou paerewa aromātai.
Tō mātou tira kaitatau, kaiine mātai hinengaro anō hoki
Kei runga tonu te ingoa o ō mātou tira kaitatau, kaiine mātai hinengaro i Aotearoa, mai i ngā kaupapa aromātai ā-motu, me ngā tātaritanga whāiti nei te aronga.
Ko ngā mātanga o runga rawa i te rāngai mō te taha aromātai
Ko ngā mātanga aromātai a Rangahau Mātauranga o Aotearoa ngā matakahi i tō rātou wāhanga mahi, ā, he hoki pūputu rātou ki te whakaatu i ā rātou kitenga ki ngā hui taumata o ANZEA, me te pāhekoheko ki ētahi atu whakahaere mō ā rātou kaupapa aromātai. He hononga anō ā mātou ki ngā hoa kōtui ka āhei ki te rapu i ngā ara ine i te whāinga hua mō ngā mahi.
Mā roto i tā mātou tira whakaputa kōrero ki te ao, a NZCER Press, ka whakaputa mātou i Evaluation Matters – He Take Tō Te Aromatawai, e tautokona nei e ANZEA (he mema taketake mātou nō tēnei rōpū).
He hononga hāngai ki ā mātou kaiaromātai
Ina mahi tahi koe me Rangahau Mātauranga o Aotearoa, ka mahi hāngai tonu ko ki te tira aromātai. Kua mahi tahi rātou me te huhua noa iho o ngā kaipupuru pānga. He pūkenga mātauranga, pūkenga whakaako, marautanga, aromatawai hoki tō rātou, ā, he tautōhito ki ngā mahi aromātai e pā ana ki te tamariki, ki te taiohi, ki te pakeke, me te whānau.
He rōpū motuhake, arumoni-kore
Nā te mea he rōpū painga tūmatanui ia, e kawea ana a Rangahau Mātauranga o Aotearoa e ōna kitenga rautaki, me ōna ūnga, e whakamanaia nei e tōna Poari kua pōtitia motuhaketia, me tōna Kāreti Pōti. Ko ō mātou pūtake kei te ao mātauranga, kei te ao tautika, kāre i takea mai i te whaiwhai huamoni hei take mō ngā whakaaro, ā, kua roa mātou e whakaputa ana i ngā mahi pakari nei ngā puna, i tautokona hoki e ngā taunakitanga.
He taputapu rangahau, he taputapu aromatawai pakari, i tautokona hoki e ngā taunakitanga
Kua whakawhanaketia e Rangahau Mātauranga o Aotearoa ētahi taputapu pakari, e whakaaro-nuitia ana pēnei i te Wellbeing@School Survey, Progressive Achievement Tests, te Teaching, School, and Leadership Practices survey, me te Literacy and Numeracy for Adults Assessment Tool.
He ratonga mōhiotanga pūmau
He tira whare pukapuka tō mātou e āhei ana ki te āwhina i tā mātou kimi tuhinga me ngā rauemi e pā ana ki te huhua noa o ngā wāhanga.