Me aro ki te hā o Hine-ahu-one
He pūmanawa motuhake, he tauira hautū motuhake, ngā tikanga tāke-ā-ahurea, me te hiahia kia noho mai he kaiako pono ētahi o ngā kitenga matua o tētahi mātainga hou mō ngā wāhine Māori i roto i te hautūtanga mātauranga.
He pūrongo hou a Me aro ki te hā o Hine-ahu-one | Wāhine Māori in Leadership nā Te Wāhanga, te wāhanga rangahau kaupapa Māori o roto i a Rangahau Mātauranga o Aotearoa. Kātahi anō ia ka whakaputa i tēnei pūrongo mā Te Wehengarua, te Post Primary Teachers’ Association, hei tūhura tikanga e pai ake ai te tautoko i ngā wāhine Māori ki roto i ngā tūranga ārahi mātauranga tiketike.
Neke atu i te 340 ngā kaiwhakautu pātai, ā, 24 ngā tāngata whai wāhi i uia. Ko tā Me aro ki te hā o Hine-ahu-one | Wāhine Māori in Leadership he whakaahua i ngā wheako o ngā wāhine Māori i roto i ngā horopaki kura tuarua Kaupapa Māori, arareo Ingarihi hoki.