He wherawhera rangahau kaupapa Māori a Ngā whai painga o Te Ao Haka: The positive impacts of Te Ao Haka for ākonga, whānau, and kaiako, nā Te Wāhanga. I whai te mahi nei kia mārama ki ngā painga me ngā panonitanga ka ara ake pea mā ngā ākonga Māori, mā tōna whānau, mā te kaiako hoki ina whai mana ōrite tētehi marau pēnei i Te Ao Haka— i takea mai i te ao Māori, e whakanoho nei hoki i te ahurea Māori, i te reo, i te tuakiri, i ngā pūnaha mātauranga, me ngā taonga tuku iho o ngā iwi—ki roto i te NCEA me te New Zealand Curriculum. Te Marautanga o Aotearoa.
He momo toi Te Ao Haka i puea ake i te ahurea, e hora whāinga wāhi nei ki ngā ākonga katoa kia whai wāhi ki te ahurea Māori, ki tōna reo, me ngā mahi tuku iho, e whakatenatena nei i te auahatanga me te whakaputanga whakaaro mā ngā āhuatanga huhua.
Pānuitia ētahi atu kōrero: mō Te Ao Haka (Te Mana Tohu Mātauranga)
Ko tā mātou i kite ai, he painga tō Te Ao Haka mā te ākonga, mā te whānau, mā te kaiako e anga nei ki te ahurea me te tuakiri Māori, te whakaoranga mai o te reo Māori, mō te hauora me te toiora, me te ekenga taumata mātauranga.
Mō te ākonga, mā te whai wāhi ki Te Ao Haka ka:
- whakareia te tuakiri, te ahurea me tōna reo
- whakangāwaritia ōna hononga pakari ki ōna hoa ā-reanga
- whakatupuria ngā pūkenga, ngā ngākaunuitanga, me ngā pūmanawa tautoko i te toiora, i te angitu, me te ekenga taumata i te kura, i te ao anō hoki
- horaina he akoranga me ngā pūkenga ka taea te whakawhiti ki ētahi atu kaupapa
- hangaia he ahurea kairangi, me te teitei o ngā tūmanako mō te ākonga
- whakawhanaketia tētahi māramatanga hōhonu kē atu ki Te Ao Haka.
I whakaputaina tēnei pūrongo e Rangahau Mātauranga o Aotearoa mā Te Mana Tohu Mātauranga o Aotearoa | NZQA.