He wāhanga tēnei rangahau o ngā mahi whakahou, whakaora hoki i te reo Māori, ā, e rua ōna whāinga poto. Te whāinga poto tuatahi (me tana pātai matua) o te rangahau he tūhura i ngā āhuatanga e tautoko ana i te ora o te reo Māori i roto i ngā kura me ngā kura auraki. Te whāinga tuarua, he tiritiri i ngā mahi me ngā tikanga tautoko kua oti te tautohu e matou, ki te ao.
Tā tēnei pūroro he hora kitenga mō ngā huarahi e tautokona ai te reo Maori e ngā kura me ngā kāinga, me ngā wawata o ngā whānau mō te reo Māori i ngā kāinga me ngā hapori, i te ao mātauranga anō hoki.
I arotahi tā mātou tūhura ki ēnei wāhanga e toru:
- he pēhea te mahi tahi a ngā whānau me ērā atu tāngata whai pānga ki ngā kura me ngā kura auraki ki te tautoko i te reo Māori
- ngā mahi e mahia ana e ngā kura me ngā kura auraki hei tautoko i te reo Māori
- ngā tirohanga a te tangata mō ngā kaupapa here a te kāwanatanga, mehemea he tautoko, he pēhi rānei aua kaupapa here i te tipu o te reo.