This page is for our Te purenga ihomatua i te ao mātauranga | Decolonising Education research project. For a more general overview of research related to this theme, click here.
Tāia te wai (o te waka) kia pai ai te whakatere ki uta ki tai
Bail the water (of the canoe) so it may manoeuvre shoreward and seaward
He whakaarotau rautaki te whakakorenga o te mahi tāmi, te purenga ihomatua rānei mō Rangahau Mātauranga o Aotearoa. E noho ana tēnei kaupapa rangahau i raro i te maru o tētahi kāpuinga mahi e anga nei ki tēnei whakaarotau.
He aha mātou e whai ai i te rangahau nei?
Ko tā tēnei kaupapa he tūhura i te tikanga o te purenga ihomatua i te mātauranga, me ngā pānga o te purenga ihomatua mō ngā wāhanga katoa o ngā mahi a Rangahau Mātauranga o Aotearoa me te mahi o te rāngai mātauranga whānui kē atu. E haere tonu ana ēnei tūhuratanga, kāore he mutunga, he panoni haere te āhua, ā, ka tuia ki roto ko ngā māramatanga ka takea mai i ngā rangahau me ngā mahi aromātai whānui kē atu a Rangahau Mātauranga o Aotearoa.
He aha ā mātou pātai rangahau?
- He aha te tikanga o te kī, te purenga ihomatua mō te mātauranga?
- He aha i hira ai kia purea te ihomatua mō te mātauranga?
- He aha ngā hipanga ka taea te whai e ngā kairangahau me ngā kaiwhakaako hei pure i te ihomatua mō te mātauranga?
- He aha ngā panonitanga i te taumata pūnaha ka tautoko i te purenga ihomatua mō te mātauranga?
Te tīma
He aha ā mātou mahi?
I tīmata tēnei kaupapa me ētāhi mahi tuatahi hei tūhura i te noho me ngā uara o tō mātou tira (te tira) e pā ana ki te purenga ihomatua mō te mātauranga. Nā konei kua kitea he tūāpapa pakari mō te kaupapa. Nā mātou i:
- āta tirotiro, i tātari ngā tuhinga e hāngai ana
- kawe tētahi awheawhe ‘Mediated Conversations’ i te taha o te Rōpū Rangahau o NZCER mō te purenga ihomatua mō te mātauranga, i whakawhiti wheako ai mātou mō ā mātou mahi whakatinana tikanga mahi purenga ihomatua i roto i ā mātou kaupapa
- tuhituhi (me te tuhi haere tonu) ētahi pepa mō te purenga ihomatua i te ao mātauranga
- whakahiato tētahi kāpuinga e mōhiotia nei He Kohinga Rauemi, nā Rangahau Mātauranga o Aotearoa i whakawhanake, hei tautoko i ngā kaiwhakamahi kia kawea te purenga ihomatua i roto i ō rātou whakaaro.