He pitomata tō ngā kura auraki hei āwhina i te whakaoranga o te reo Māori. Kua whakaputaina tēnei pūrongo kitenga e Te Wāhanga - Rangahau Mātauranga o Aotearoa hei tautoko i ngā kura auraki tuatahi ki te whakatipu i te reo Māori, hei whakapakari hoki i ā rātou hōtaka whakaakoranga, akoranga hoki mō te reo Māori.
I roto i tā mātou pūrongo kitenga ka tautohutia e mātou:
- Ko ngā take matua hei whiriwhiri mā ngā kura auraki tuatahi ina whakawhanake i tētahi ara rautaki mō te whakaako me te ako i te reo Māori
- Ko ngā tikanga mahi tino whai hua mō te whakaako me te ako i te reo Māori i ngā kura auraki tuatahi
Whāia ēnei hononga kia kitea ētahi atu o ā mātou mahi tautoko i te whakaoranga i te reo Māori, tae atu ki tā mātou arotakenga mātātuhi.
