Tā tēnei pūrongo mai i Ka Whānau Mai Te Reo he āta titiro ki te reo Māori i ngā wā o te whakawhiti. Hei tūhura tēnei āhua i ngā moemoeā matahuhua o ngā whānau mō tō rātou whanaketanga reo, ā, ka tirohia hoki ngā ara e wātea ana ki ngā whānau hei tautoko i aua wawata i ētahi pekanga huarahi e toru: te rā tuatahi ki te kura, te nuku atu i te kura tuatahi ki te kura tuarua, me te nuku ki tua atu i te kura tuarua.
Ka noho tētahi kāpuinga tikanga whanaungatanga hei pou arataki i te pūrongo, me tana aro ki ngā pūtake reo Māori ka tūponotia e ngā whānau. I takea mai i ngā whakawhitinga kōrero ki ngā whānau i ngā wehenga katoa o te rāngai mātauranga, i te huhua hoki o ngā horopaki, mō te taha ki te kōrero i te reo, me ō rātou wheako reo.