He rangahau i whakaritea mā Te Mātāwai, e Te Wāhanga - Te Rangahau Mātauranga o Aotearoa, i te tau 2020.
I tonoa Te Wāhanga—Te Rangahau Mātauranga o Aotearoa e Te Mātāwai, ki te kawe i tētahi kaupapa rangahau e āta whakatewhatewhatia ana te rongo, te whakamahinga hoki a ngā rangatahi i te reo Māori. I whakamahi mātou i te tangongitanga o ngā huarahi rangahau kaupapa Māori. 19 ngā rangatahi i whai wāhi ai ki te rangahau nei, i waenga i te 13 ki te 23 tau te pakeke, nō ngā rohe e whā. Nō te Kohi-tātea o te tau 2019, ki te Hui-tanguru o te tau 2020 te rangahau i whakahaerehia ai.
I arotahi te rangahau ki ngā āhuatanga e pā ana ki te whakamahinga me te rongo a ngā rangatahi i te reo Māori (ā-waha, ā-tuhi, ā-tinana), me ngā tūāhuatanga e whakakipakipa ai i tā rātou whakapuaki i te reo Māori. Ka āta kitea ki ngā whakaaturanga, e pēhea nei te rongo a ngā rangatahi i te reo Māori, te āhua tonu o tā rātou whakamahinga i te reo, ā, ka tohu hoki i ngā huarahi e hāpai tonu ai i te hunga rangatahi.